Mere aib hi to meri pehchaan hai

Koi shikwa karta hai toh koi afsos

Meri shaksiyat se har shaks pareshaan hai

'Sifar' nahi badalta kissike kehne se

Mere aib hi to meri pehchaan hai

 

 

Na aashna rahe zamana, gham nahi

Mere liye kaafi tanhayee ka jahaan hai

 

 

Kissne banaye hai yeh kayde-kanoon

Yeh rasm-o-riwaaz kisska farmaan hai

 

 

Roz badalte hai taur-tarike duniya ke

Har reet bas do gadi ki mehmaan hai

 

 

Usoolon mein jhakde log kya samjhenge

Be-tehzeebi zindagi kitani asaan hai

 

 

Na rakko umeed mujhse kissi tarah ki

Meri khud mukhtari, mera armaan hai

 

 

~Sifar




More on FB Notes
Bookmark and Share
Post Your Comments - srivinay.salian_at_gmail_dot_com