wo tera deewana...

Namm ankhon se, ab dard uthar chala hai

Tera deewana teri raah se guzar chala hai

Tere dair-o-haram pe jo ab tak jhuka raha

Wo but-parast sir, ab muqar chala hai

 

Naqsh-e-maazii bhi nahii ab nazar me 

Nishaana-e-manzil bhi nahi paas mere 

Tere dar se nikla hu, aashuftaa sar le kar

Tujhse bichhad kar koii darbadar chala hai

 

Teri galli me jo basar kiya karta tha

Apne jazbaat bemol bechaa karta tha

Apna sab kuchh wo aaj lutane pe hai

Wo chhod ke apna muqaddar, chala hai 

 

Na ayengi tere dar tak ab meri sadayein

Saaye se tere na takrayegi meri nigahein

Ke mundh li hai humne palkein apni

Jo tera deewana tha, wo mar chala hai

 

Kuchh na badlega jahan me, mere baad

Adna sa shaqs hu, koii kyu rakkega yaad

Tujhe na rahii qadr jiss muhobbat ki

Wo muhobbat lekar, aaj ‘Sifar’ chala hai

 

- Sifar

 

[muqar = turn away, dair-o-haram=temples, but-parast-idolworshiper, Naqsh-e-maazii = remnants of past, nishana-e-manzil=goals & ambitions, aashuftaa_sar=confused]



More on FB Notes
Bookmark and Share
Post Your Comments - srivinay.salian_at_gmail_dot_com