Meri mashroofiyat mera junoon hai

Kahega har qatrah, jo mera khoon hai

Shorish-e-dil mein bhi ek fusoon hai

Mujhse fursat ki tu baatein na kar

Meri mashroofiyat mera junoon hai

 

Zamane ki daud tham jaati hai der saver

Manzil wahii, faqt armaano.n ka her fer

Meri azm-e-talaash zamane se alag hai

Main woh dhund raha hu jo maknoon hai

 

Koii husn ka kayal hai, koii daulat ka

Koii khud ko dhundta hai, koii khuda

Kya daudna yun kokle khwabon ke peeche 

Muqaddar ne jo diya, wohii fazoon hai

 

zeest se mil chukaa hu, jee chukaa hu

jashn-e-hayaat manaa bhi chukaa hu

dil-o-jaan pe ab mere alag suroor hai

Taalib-e-qazaa hun, rooh maftoon hai

 

Zindagii mahdood hai, kyu karru armaa.n

Mille gar Bekaraan maut, ho jau jaavidaa.n

Haddon me jeena bhi kya jeena hai ‘Sifar’ 

De mujhe aaghosh-e-ajal, ke dil majnoon hai

 

 

[qatrah=drop, shorish=madness, fusoon=magic, fazoon=excess, mashroofiyat=busyness, azm=decision, maknoon=concealed, zeest=life, hayaat=life, maftoon=tempted, majnoon=insane, qazaa=death, ajal=death, taalib=seeker, jaavidaa.n=eternal, mahdood=limited, bekaraan=limitless] 

 

- Sifar




More on FB Notes
Bookmark and Share
Post Your Comments - srivinay.salian_at_gmail_dot_com